Blog

【🌇英國宜居地點介紹】📍伍德布里奇(Woodbridge)

居住喺伍德布里奇(Woodbridge),你可以喺清晨時分,沿著伍德布里奇嘅德本河 (River Deben) 漫步,邊聽到海鷗在上方叫喊,邊欣賞沿海美景。伍德布里奇(Woodbridge)位於英國英格蘭東部嘅薩福克郡(Suffolk)嘅一個城鎮,有人口約11,000人。Netflix電影The Dig亦有喺呢個地方取景。伍德布里奇喺《星期日泰晤士報》(Sunday Times) 中被評為2021年英國最佳居住地。小鎮歷史悠久、有色彩鮮豔嘅建築、蜿蜒嘅小巷同隱蔽嘅小巷,好似一本故事書裏面嘅情景一樣。 由伍德布里奇搭乘火車前往Ipswich僅需 18 分鐘,而搭乘火車前往倫敦則需要大約 1 小時 10 分鐘。2021 年 8 月伍德布里奇嘅樓價平均為 415,356 英鎊,過去三個月(自 2021 年 5 月以來)下跌了 2.10%,自 12 個月前以來上漲了 5.62%。伍德布里奇嘅Flat平均售價為 210,192 英鎊,至於排屋 (Terrace House) 價為 301,071 英鎊。 伍德布里奇係一個沿海城鎮,各種水上活動都帶嚟經濟收益。工作方面,該鎮擁有眾多當地商店同企業,睇落安靜嘅區域全年舉辦各種活動,包括現場音樂、戲劇、體育同講座。當地企業choosewoobridge.co.uk 為獨立公司提供了一個好嘅平台,確保當地人隨時了解城鎮活動。 讀書方面,英國公立學校的評分機構 Ofsted顯示 Kyson同Woodbridge都係該鎮良好嘅小學,St Mary’s CofE則係優秀嘅小學,Farlingaye 中學被評為優秀嘅中學,伍德布里奇學校喺當地亦享有盛譽。 想學更多股票同物業知識?即刻參加HKLA嘅免費分享會啦!📣本月活動月曆,現正接受報名 :<建立英國房地產被動收入>分享會 – https://hkla.co/jacky<英國升學資訊>分享會 – https://hkla.co/maureen<英國留學生監護人證書課程>分享會 – https://hkla.co/ukguardian/分享會 – https://hkla.co/desmond/ 資料來源:https://www.thetimes.co.uk/best-places-to-live HKLA #英國 …

【🌇英國宜居地點介紹】📍伍德布里奇(Woodbridge) Read More »

【😮注意】買英國樓的4大注意事項 一唔小心保險費隨時會增加 128%

最近英國部分地區落暴雨,導致多處水浸,其實暴雨問題,都係英國買新樓時需要注意嘅意外因素之一。英國比較各類保險嘅網站 Quotezone.co.uk整理咗一張英國買新樓時可能面臨嘅風險列表,以及相關嘅保險費會飆升。如果你準備移民英國要買樓自住或第一次投資英國物業,又想知買樓要注意嘅4大事項,就要繼續睇落去: 1.使用水浸地圖 (Flood Map) 查看物業是否有水浸歷史 如果物業或物業附近曾經有水浸歷史,平均保險費會增加 128%。除此之外,屋主仲需要考慮財產同財物嘅物理損壞帶嚟嘅持久影響,同埋會造成嘅嚴重財務影響。加上房屋喺暴雨期間需要額外嘅預防措施。 2.上網搜索最近的河流 最近的氣候危機意味住喺河邊嘅物業已經成為業主嘅擔憂——保險公司都意識到呢種風險。事實上,居住喺距離河流 200m 以內(相較於 400m 以上)可能會令家庭保險費增加三分之一以上(38%)。買樓前快速上網搜索最近的河流可以盡量避免增加保費。 3.木蟲 木蟲會造成屋企長期嘅結構損壞,標準建築保險通常唔會受保——一旦造成損壞,修復成本高昂。短期內,根據感染嘅嚴重程度,會影響獲得抵押貸款嘅機會。記住留意木頭上有冇新嘅、現有嘅洞,呢啲係木蟲侵擾房屋嘅主要線索。 4.詢問業主或房地產經紀人該物業是否需要任何額外的在結構上的改動,並獲得書面答覆 Quotezone.co.uk 嘅數據顯示,如果房產需要支撐 (underpinning) 等結構性支持,會令房屋保險費提高多達 74%。長遠來看,代價十分高昂。 ———————————————- 想學更多英國買樓投資嘅知識?即刻參加HKLA嘅免費分享會啦! <建立英國房地產被動收入>分享會 –  https://hkla.co/jacky 資料及圖片來源:https://www.propertywire.com/…/things-to-watch-out-for…/ #HKLA #英國 #英格蘭 #威爾士 #英國買樓  #BNO #爛尾樓 #業主 #租客 #租樓 #移民 #物業 #投資 #英國房地產 #合約

【🌇英國宜居地點介紹】📍斯特勞德 (Stroud)

斯特勞德 (Stroud) 係英格蘭嘅格洛斯特郡 (Gloucestershire) 嘅一個特色鮮明嘅小鎮同民政教區,以附近有優秀嘅學校、交通連接(搭火車唔使90 分鐘到倫敦帕丁頓)、同埋綠化空間而聞名。斯特勞德喺《星期日泰晤士報》(Sunday Times) 中被評為2021年英國最佳居住地。居民最關心嘅係環境、當地政治同埋獨立精神。當地美食亦令人印象深刻,每星期都會有農場市集 (Farmers’ Market)。斯特勞德嘅平均房價為 265,000 英鎊,平均租金為每月 700 英鎊,而英國嘅平均房價為 231,068 英鎊。工作方面,由於交通便利,斯特勞德 100,000 幾人口當中,有唔少會去Cheltenham、Gloucester、同埋南邊嘅 Bristol 通勤上班。附近亦有為英國提供綠色能源嘅公司,Ecotricity總部、以及Nov Downhole Eurasia Ltd、Nine Telecom Group等公司。紡織業喺斯特勞德亦非常出色。 讀書方面,好多家庭湧向斯特勞德,因為呢度有一流嘅學校,Foxmoor 和 Uplands 小學被教育監督機構 Ofsted 評為“優秀”小學; 而 Stroud Valley Community Primary、Rodborough Community Primary 和 Rosary Catholic Primary School 則獲得“Good”評級小學。至於中學方面,Stroud Hugh 和 Marling 中學都係被 評為“優秀”嘅學校。 資料及圖片來源:https://www.thetimes.co.uk/best-places-to-livehttps://bit.ly/3zIZFHl

【🤱🏻英國生活系列】買英國樓前必備的資產證明

隨住愈來愈多香港人移民英國,去海外置業,英國對於買樓人士嘅資金來源嘅證明核查,就愈來愈嚴格。無論係同銀行貸款,抑或係同律師完成買樓合同時,買樓人士都會被要求出示資金來源證明。買樓涉及到大筆嘅資金轉移,所以銀行、律師行甚至係盤源中介都會要求買樓人士喺購買房產時,必須提供證據嚟證明自己嘅錢係合法取得。 根據英國嘅反洗錢法,任何機構或者公司在自己正常嘅業務範圍內不得為洗錢行為提供任何便利條件,要採取合理嘅步驟喺自己嘅經營中杜絕一切洗錢行為,同時,一旦發現任何洗錢嘅嫌疑行為必須立刻上報相關嘅反洗錢組織。 移民海外置業要準備嘅文件: 存款證明最好有過去開六個月的銀行月結單,並有薪金、收入、退休金、年金等證明。另外,最好有過去數年的稅單。 股票買賣證明香港人大部分都有買賣股票,如果集齊證券戶口的交易紀錄及派息紀錄。 年金、保險若然定期獲派年金或其他到期的保險產品,都要保留證明,例如保單、退保信。 樓宇買賣樓宇買賣是比較大筆的資金流動,記得保留買賣合約、律師樓發出的文件等,證明資金的流向。 贈與提供贈與人之財富來源證明及由贈與人發出及確認該項贈與的說明。 離婚後財產清算提供法院判決文件或律師信函。 公司盈餘公司近年的財務報表、稅單等。 想學更多股票同物業知識?即刻參加HKLA嘅免費分享會啦!📣本月活動月曆,現正接受報名 :<建立英國房地產被動收入>分享會 – https://hkla.co/jacky<英國升學資訊>分享會 – https://hkla.co/maureen<英國留學生監護人證書課程>分享會 – https://hkla.co/ukguardian/分享會 – https://hkla.co/desmond/ 資料來源:https://bit.ly/36nCi9s HKLA #英國 #英國生活系列 #英國生活

【🚀有升有息資訊篇 】 片仔癀一粒炒至近千人民幣 藥品容易炒賣?

福建漳州片仔癀藥業公司旗下嘅中藥產品「片仔癀」,近日價格突然被炒上,淘寶上有店鋪賣到950元(人民幣,下同,約1,140港元),仲有店鋪標價1351元(約1,620港元)。片仔癀藥業前身係漳州製藥廠,主要生產同埋銷售中成藥。根據產品簡介,片仔癀主要成分為牛黃、麝香、三七及蛇膽,可用於清熱解毒、消腫止痛等,亦適用於急性慢性病毒肝炎等疾病。但據報近年片仔癀嘅療效被越傳越神,不僅能「有效治癌」甚至「包治百病」,引發片仔癀連年漲價,被比喻為「藥中茅台」。 Desmond: 去年底我在 良心理財 – 黎家良 講過《片仔癀》這A股。現在香港國貨藥店的片仔癀都缺貨,看來大家都買來囤積居奇。不過藥品不易炒,因為這些買這些藥的人非富則貴,他們會擔心買來的藥不明來歷或是假貨,吃了無保健效果之餘還有損健康。還有現在尚未通關,順豐又不能快遞藥品,目前要轉手相信難度很大。 —————————————————— 想了解更多港股美股資訊?即刻參加HKLA嘅免費分享會啦!立即報名: <REITS + ETF 收息賺價>分享會 – https://hkla.co/desmond/ 資料及圖片來源:https://bit.ly/3x2OQig #HKLA#有升有息資訊篇#REITS#ETF#港股#美股#收息#黎家良#良心理財

【🌇英國宜居城市介紹】📍曼徹斯特 (Manchester)

近年香港人移居英國都會優先考慮英國第2大城市,曼徹斯特 (Manchester),整個城市擁有約 260 萬人口。曼徹斯特以其擁有世界上最大嘅足球隊之一,曼徹斯特聯(曼聯,Manchester United)而聞名。喺歷史上,曼徹斯特對英國嘅發展有重大嘅影響,係世界上最早嘅大工業城市,大量紡織廠在此設立。同時,曼徹斯特亦係分銷中心,以倉庫眾多聞名於世,更有「倉庫城市」之稱。根據“Good Growth for Cities”2019年尾嘅調查,曼徹斯特被列為最有進步嘅城市嘅第10位。 隨住世界上第一條客運鐵路──利物浦至曼徹斯特鐵路之啟用,加速咗曼徹斯特呢個城市嘅發展。曼徹斯特嘅樓價加幅不斷上漲,三房二手盤公寓售價為£150,000至£250,000; 三房二手盤排屋售價為£110,000至£350,000; 三房二手盤半獨立屋售價則為£180,000至£400,000; 三房二手盤獨立屋售價為£300,000至£600,000。 工作方面,有多間大企業進駐曼徹斯特,好似Amazon、Microsoft、Booking.com、Unilever、同Siemens等,提供多類型嘅工作機會。 讀書方面,曼徹斯特擁有兩所主要大學:曼徹斯特大學同曼徹斯特都會大學。其中曼徹斯特大學 (University of Manchester) 更加係國著名嘅六所「紅磚大學」之首。全市亦有 170 多所小學同中學—其中好多都係全國排名前 5% 嘅學校。 講多一個關於曼徹斯特嘅小秘密:圖中係一間位於曼徹斯特嘅屋,佢冇地板、冇天花、亦冇房間,開價£50k。呢間屋曾被火災損壞,需要全面翻新同維修。間屋未拎去拍賣前,潛在買家需要喺進入前間屋,簽署安全免責聲明。 資料及圖片來源:https://www.manchestereveningnews.co.uk/news/property/house-could-yours-50k–12043807 <建立英國房地產被動收入>分享會 –  https://hkla.co/jacky

【🌇英國宜居城市介紹】📍 侯城 (Hull)

如果你鍾情於英國傳統嘅鄉村城市,又想體驗一下英倫鄉村風,咁住喺侯城 (Hull)就係你最佳嘅選擇。雖然侯城過去因失業率高而令到名聲好差,但近年來經歷完重建,2017年更被選為文化之城,搖身一變成為一個宜居城市。根據“Good Growth for Cities”2019年尾嘅調查,侯城被列為最有進步嘅城市嘅第9位。 同大多數主要城市一樣,侯城擁有良好嘅鐵路同公路服務。搭火車由倫敦King’s Cross站到市中心唔使三個鐘。侯城嘅樓價十分平,排屋嘅平均樓價為110,000英鎊,半獨立式房屋嘅平均售價為155,000英鎊,獨立式住宅嘅售價約為260,000英鎊。侯城有非常好嘅發展勢頭,房屋有升值潛力。 工作方面,在Lockdown時,侯城對零售同休閒工作嘅依賴程度降低,但有分析指解封後大家要回歸職埸,侯城嘅經濟會快速反升。讀書方面,全市有十四間中學同七十一間小學。至於大學就有the University of Hull,英格蘭最享負盛名嘅大學之一,被《泰晤士報》同《星期日泰晤士報》優秀大學指南評為約克郡最佳嘅大學第四名。The University of Hull嘅科學學科以及經濟學科都十分出色。 講多一個關於侯城嘅小秘密:原來全英格蘭最細嘅窗口,係喺侯城嘅一間酒吧。窗戶大約 10″ x 1″,路過嘅人都可以透過裂縫窺視酒吧裏面。以前係用嚟快速通知裏面嘅舞台表演者出面嘅情況。 資料及圖片來源:https://bit.ly/3fFHLxL

靠內幕消息炒細價股,宜仙女散花

從前我在銀行擔任客戶經理,不論在中資銀行及港資銀行,都總有些國內客戶經常會「關照我」,主動告訴我一些所謂的「內幕消息」……其實就是「派細價股號碼」,買入後可倍升幾翻。 我通常都會問他們「你的內幕到底有幾可靠?」,這班熱情的客戶都會告訴我「我的朋友的朋友係裡面做」、「這股是我的朋友做莊」,至於是甚麼內幕消息他們當然就不會知道,「總之信我,你買入後等一會便會炒上。」 我聽完這些關照後通常就會一笑置之,因為我只是小小的銀行職員,不是跟這些客人有親,他們為何要這樣關照小弟?如果我買入的話,那就很大機會是接莊家派出來的貴貨了。如果我跟他們買入後,股份隨即爆升,那就更麻煩,我也可能因為炒內幕消息獲利,隨時弄得自己一身蟻。 近年細價股的玩法有點不同,從以前的人傳人派內幕消息,變成網紅(KOL)利用社交平台介紹大眾「財技炒股法」、「殼股買賣法」等。雖然都是炒細價股,但整件事便由「無知大媽聽消息亂炒」變成「財技股價值投資法」,當堂升價十倍。但想深一層,其實大陸A股已重啟IPO集資,每天均有不少新股掛牌,到底大陸對香港殼股的需求還有多少? 另外,普遍細價股的波幅大得要命,如果大注買入後暴跌,身家會縮水不少;如果怕死的話,只是小注怡情,就算買中倍升股,但由於投入資金不多,對於整體財富的增長幫助不大。所以就算我離開銀行多時,也絕對不會買賣這類型的股份。 如果有朋友聽完我以上的分析,還是覺得心癮難耐,很有興趣炒賣這些細價股,但又怕輸身家的話,我建議讀者可在佣金最平的證券行開一個現金股票帳戶(無孖展功能),投入不多於總資產5%的金錢在這個帳戶,然後只用這個帳戶仙女散花式分散投注不同的細價股。好處是買中倍升股時你會很高興,但不幸買錯暴跌股長期坐艇,你的最高損失也只是總資產的5%,不會對生活或將來計劃有重大影響。 Desmond LaiHKLA環球股債收息實戰課程導師Desmond Sir擅長於投資、保險、按揭貸款及強積金籌劃,同樣是一名80後的他是著名暢銷財經書《有升有息》及《低息時代創富學》的作者。Desmond Sir曾任職銀行業多年,為香港金融管理局銀行專業資歷架構課程導師,及香港銀行學會客席講師。現為Enrich Capital的創辦人,亦是香港的認可財務財務策劃師 (CFP CM),對各種個人理財均有獨到分析。

【📈市場消息】英國房地產交易量一個月下降了35%以上

根據英國稅務海關總署 HM Revenue & Customs (HMRC)最新發布的房地產交易數據顯示,今年3月至4月英國售出房屋的數量下降了三分之一以上。儘管今年是自2007年以來的4月份以來,錄得最多的交易紀錄,一共售出了117,860間房屋,但與前一個月相比下降了35.7%。 上星期,國家統計局宣布英國房屋的平均價格在2020年3月至2021年3月之間上漲了10.2%。業內人士對這些數字的評論好壞參半,有的認為房地產市場強勁,有的則認為印花稅假期結束後,房地產市場不再活躍。 Shawbrook Bank房地產融資董事總經理John Eastgate說,即使印花稅假期結束,買家和投資者對英國房地產仍有熱烈的興趣,當疫情好轉員工要回到辦公室辦公時,反而上幾個月似乎不受歡迎的市中心會吸引到他們。 至於Strike首席執行官Sam Mitchell表示,距離六月的印花稅假期截止日期不遠,加上95%抵押貸款交易的增加,以及放寬Lockdown措施,英國房地產市場的需求可能會在未來幾個月內上升。 在此小編提醒買家和投資者要謹慎,因為英國房地產市場不同於香港,不應只看一兩項數據就作決定,記得出價前要分析好該區的居住環境、發展潛力和回報。 HKLA #英國 #英格蘭 #威爾斯 #英國新聞 #英國買樓 #BNO #爛尾樓 #業主 #租客 #租樓 #移民 #物業 #投資 #英國房地產 #合約

【📈市場消息】香港人移民英國會點樣儲資金?

愈來愈多香港人以BNO VISA移民英國,根據美聯移民顧問聯同美聯環球嘅「港人移民取態及置業資金調查」最新調查,發現有51%受訪者表示有意移民,70%人靠儲蓄或加按物業,賣樓套現作移民資金佔23%,表示冇興趣移民嘅受訪者只有13%。 咁佢哋嘅移民資金又從何而來呢?喺85%未買入海外物業嘅受訪者中,佢哋移民或海外置業嘅主要資金來源,分別有約39%受訪者表示係資金源自「個人儲蓄」;約28%受訪者表示「加按」個人持有嘅本地物業;約23%受訪者嘅移民資金來自賣樓套現;同埋43%已買海外樓嘅買家指資金來自加按本港物業。 至於而家擁有海外物業或已移民約15%嘅受訪者中,約43%買家指資金主要來自加按本港持有嘅物業;約36%買家則指資金來自儲蓄;約14% 選擇賣港樓套現。 美聯指,數據反映本港買家傾向保留香港物業,未必會出售手持單位套現而獲取移民資金。不過,雖然只有約23%受訪者嘅移民資金來自賣樓套現,但調查未有表明同受訪者本來就未有持有物業有關。 資料及圖片來源:https://bit.ly/3bIpgXn HKLA #英國 #英格蘭 #威爾斯 #英國新聞 #英國買樓 #BNO #爛尾樓 #業主 #租客 #租樓 #移民 #物業 #投資 #英國房地產 #合約

Scroll to Top